ओखलढुंगामा जिप दुर्घटना हुँदा ३ जनाको मृत्यु, १३ घाइते
प्रदेश नं १ स्थित ओखलढुंगामा जिप दर्घटना हुँदा तीन जनाको मृत्यु भएको छ । सुनकोसी गाउँपालिका ९ काँडेभञ्याङ नजिकै आज बिहान ७: ३० बजेतिर जिप दुर्घटनामा परेको हो।
जिप दुर्घटनामा परी ३ जनाको घटनास्थलमै मृत्यु भएको छ भने १३ जना घाइते छन्। घाइतेमध्ये चार जनाको अवस्था गम्भीर रहेकाले उनीहररुको लागि हेलिकप्टर मगाइएको छ ।
प्रदेश ३-१०२२-च९६९४ नम्बरको जिप दुर्घटनामा परेको बताइएको छ ।घाइतेहरूलाई काठमाडौँ ल्याउने तयारी भइरहेको छ। दुर्घटनामा परेका घाइतेहरूको प्रहरीले उद्धार गरिसकेको छ।
मृतकहरूको सनाखत भने भइसकेको छैन।
