अक्षयकुमारको ‘सूर्यवंशी’ले हलमा फर्कायो दर्शक, फिल्महलमा ल्यायो रोनक !
बलिउड बजारमा अहिले हलहरुमा फिल्म ‘सूर्यवंशी’ रिलिज भइरहेको छ । यो फिल्म शुत्रबार रिलिज भएको हो । कोरोना माहामारीको कारण करिब दुइबर्षदेखि सुनसान रहेको फिल्म हलमा फरि यो फिल्मका कारण रोनक ल्याउने काम गरेको छ ।
शुक्रबार बलिउड हलसँगै नेपाली हलमा पनि रिलिज भएको यो फिल्मले शुक्रबार र शनिबार राम्रो व्यापार तथा दर्शक पाएको छ । एकसाथ सय पर्दामा रिलिज भएको फिल्मले शनिबार धेरै हलमा हाउसफूलको व्यवसाय गरेको बताइएको छ ।
सूर्यवंशीलाई मल्टिप्लेक्सले उच्च शोज दिएको छ । बलिउडमा समेत यो फिल्मले राम्रो व्यवसाय गरेको भारतीय मिडियाले उल्लेख गरेका छन् ।
बहुप्रतीक्षित सूचीमा रहेको यो फिल्मले शुक्रबार र शनिबार दर्शक राम्रो पाएको वितरक मनोज राठीले बताए । ‘सूर्यवंशी’ ले दर्शक हलसम्म तान्छ भन्ने विश्वास त थियो तर यतिधेरै दर्शक आउँछन् भन्ने लागेको थिएन,’ राठीले भने, ‘तिहारको विदाले हो वा के कारणले हो फिल्म हेर्न आए ।’ सूर्यवंशीले कोरोना अगाडि झै फिल्म हलमा दर्शक फर्काएको ,राठीले थपे ‘फिल्मको रिभ्यु राम्रो आएको छ । भोलिदेखि झन् दर्शक बढ्न सक्छन् ।’
कोरोनाका कारण पटक पटक रिलिज मिति सारिएको यो फिल्मले बलिउड फिल्मलाई समेत लयमा फर्काउने विश्वास बलिउडकर्मीमा रहेको छ ।
सूर्यवंशीले दर्शक हलमा फर्काएका बताएका राठीले अव नेपाली फिल्मले पनि राम्रो व्यवसाय गर्ने देखिएको उत्साहजनक प्रतिक्रिया दिए ।
रोहित शेट्टीको निर्देशन रहेको सूर्यवंशीमा अक्षयकुमार र कैटरीना कैफ मुख्य भूमिकामा छन् । फिल्ममा अजय देवगण र रणवीर सिंहको समेत अतिथि भूमिका रहेको छ ।
