अभिनेत्री अंकिता लोखण्डेले विक्की जैनसँग विवाह गर्दै
अभिनेत्री अंकिता लोखण्डे र विक्की जैनको विवाहको मिति नजिकिदैँ छ ।दुवैले विवाहको मितिबारे पुष्टि गरेका छन् ।
अंकिताले आफ्नो जन्मदिन भन्दा एक हप्ता अघि अर्थात् १२ डिसेम्बरदेखि १४ डिसेम्बरको बीचमा विक्कीसँग विवाह गर्दैछिन् । अंकिताको जन्मदिन डिसेम्बर १९ मा पर्दछ ।
अंकिता स्व.अभिनेता सुशान्तसिंह राजपूतकी पूर्व प्रेमिका हुन् ।अंकिताका लागि सन् २०२० निकै उतारचढावपूर्ण सुशान्तको निधनपछि उनी शोकमा थिइन् । अंकिता र सुशान्त करिब सात वर्षसम्म लिभ-इन-रिलेसनमा थिए ।
उनीहरु सन् २०१६ मा अलग्गिएका थिए ।विक्की पेशाले व्यापारी हुन् । उनीसँग अंकिताको बोण्डिङ निकै मिलेको छ । उनीहरु सामाजिक सञ्जालमा आफ्नो रोमान्टिक क्षणलाई शेयर गरिरहन्छन् ।एजेन्सी
