राष्ट्रपतिद्वारा संघीय संसदका दुवै सदनको चालु अधिवेशन अन्त्य
राष्ट्रपति विद्यादेवी भण्डारीले संघीय संसदका दुवै सदनको चालु अधिवेशन अन्त्य गरेकी छन् ।
बिहिबार बसेको मन्त्रिपरिषदको सिफारिसमा राष्ट्रपति भण्डारीले संविधानको धारा ९३ को उपधारा २ बमोजिम शुक्रबार राति १२ बजेदेखि संसदका दुवै सदनको अन्य भएको घोषणा गरेकी हुन् ।
शुक्रबार विज्ञप्ति जारी गर्दै संघीय संसदका महासचिव डा. भरतराज गौतमले कात्तिक २९ गतेका लागि डाकिएको प्रतिनिधिसभाको बैठक पनि अन्त्य भएको जानकारी दिएका छन् ।
