२४ घण्टामा ५९१ संक्रमित थपिए, ६६४ कोरोनामुक्त र २ को मृत्यु
नेपालमा पछिल्लो समयमा कोरोना संक्रमण दर र कोरोना संक्रमितको मृत्यु दर घट्दै गएको छ । यद्पी कोरोना भाइरसको संक्रमण जोखिम भने कायमै छ ।
पछिल्लो २४ घण्टामा देशभर ५९१ जनामा कोरोना संक्रमण पुष्टि भएको छ । देशभर गरीएको ८ हजार ४ सय ४८ जनाको पीसीआर परीक्षण गर्दा ५२७ जना र २ हजार ५ सय ७ जनाको एन्टिजेन परीक्षण गर्दा ६४ जना गरी ५९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा संक्रमणबाट २ जनाको मृत्यु भएको छ भने ६६४ जना संक्रमणमुक्त भएका छन् ।
