नेकपा एमालेले बोलायो स्थायी कमिटी बैठक
नेकपा एमालेको स्थायी कमिटी बैठक आज बस्दैँ छ ।
स्थायी कमिटी बैठक आज अपराह्न ४ बजे बस्ने गरी बोलाइएको पार्टी कार्यालयका सचिव शेरबहादुर तामाङले जानकारी दिएका छन् ।
वडा र पालिका अधिवेशनको समीक्षालगायत विषयमा आज छलफल गर्न लागिएको हो।राष्ट्रिय महाधिवेशनको मापदण्ड र कार्यतालिका लगायत विषयमा पनि आज स्थायी कमिटी बैठकमा छलफल गरिने तामाङले जानकारी दिए।
एमालेले कात्तिक ६ मा वडा र कात्तिक ९ मा पालिका अधिवेशन गरेको थियो। केही वडा र पालिकामा भने अधिवेशन हुन बाँकी नै छ।
एमालेले दसौँ राष्ट्रिय महाधिवेशन मङ्सिर १० देखि १२ सम्म चितवनमा गर्दै छ। महाधिवेशनमा आउने प्रतिनिधि छनौट गर्नेलगायत काम गर्न एमालेले बाँकी नै छ।
