पाँचथर बस दुर्घटना : २ जनाको मृत्यु, १९को अवस्था गम्भिर
प्रदेश नं १ स्थित पाँचथरमा आज अपरान्ह यात्रुबाहक बस दुर्घटना हुँदा दुई जनाको मृत्यु भएको छ । उक्त दुर्घटनामा परी पाँच दर्जन यात्रु घाइते भएका छन् ।
पाँचथरको सविाखोलाबाट फिदिम आउँदै गरेको को १ ख ३८६५ नम्बर को बस सरखण्डेमा दुर्घटना भएको जिल्ला प्रहरी कार्यालय पाँचथरले जानकारी दिएको छ ।
प्रहरीका अनुसार मृतकको पहिचान हुन नसकेको छैन् । घटनामा ६३ जना घाइते भएका र उनीहरुमध्ये १९ जनाको अवस्था गम्भिर रहेको छ । गम्भिर घाइते भएका मध्ये चारजनालाई थप उपचारका लागि झापा पठाइएको छ ।
४४ सिट क्षमताको उक्त बसमा ६५ यात्रु सवार रहेको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले जानकारी दिए ।
बसमा सवार अधिकांश यात्रु कुम्मायक गाउँपालिकाका रहेको प्रहरीले जानकारी दिएको छ ।अन्यको पाँचथर जिल्ला अस्पताल, पाथीभरा अस्पताल र सर्मपति अस्पतालमा उपचार भइरहेको छ ।
उक्त बस सबिखोलाबाट फिदिम आउँदै गर्दा दुर्घटना परेको थियो । बस दुर्घटनाको कारण भने खुल्न नसकेको प्रहरीले जनाएको छ ।
