ओली आज गृह जिल्ला जादै, झापा र मोरङका विभिन्न कार्यक्रममा सहभागी हुने
नेकपा एमालेका अध्यक्ष केपी शर्मा ओली आज गृह जिल्ला झापा जान लागेका छन् । ओली एमालेको वडा अधिवेशन सम्पन्न भएको भोलिपल्टै गृह जिल्ला प्रस्थान गर्न लागेका हुन् ।
ओली आइतबार देखि दुई दिन झापा र मोरङका विभिन्न कार्यक्रममा सहभागी हुने भएका छन् ।एमाले अध्यक्ष ओली आइतबार बिहान ११ बजे घरमा पुगेर बुबालाई भेट गर्नेछन् भने त्यसपछि झापा जिल्ला कमिटीले आयोजना गरेको पार्टी प्रवेश कार्यक्रममा सहभागी हुनेछन् ।
उनले बेलुका मेची क्राउन होटलमा अगुवा कार्यकर्तासँग भेट गर्नेछन् भने आज सोही ठाउँमै बस्नेछन् ।उनी भोलि सोमबार गौरीगञ्जमा हुने कार्यक्रममा सहभागी हुनेछन् ।
भोलि नै विराटनगरमा पार्टी प्रवेश कार्यक्रम र अगुवा कार्यकर्ता भेलालाई सम्बोधन गरेर काठमाडौँ फर्किने कार्यक्रम तय भएको छ ।
