नुवाकोटको किस्पाङमा बस दुर्घटना हुँदा २० जना घाइते
बागमती प्रदेश अन्तर्गत नुवाकोटको किस्पाङमा बस दुर्घटना हुँदा २० जना घाइते भएका छन् ।
नुवाकोटको काउलेबाट काठमाडौं आउँदै गरेको बा ४ ख ५७६२ नम्बरको बस किस्पाङ-५ मानेगाउँमा दुर्घटना हुँदा २० जना घाइते भएका हुन् ।
घाइतेलाई उद्धार गरी उपचारका लागि त्रिशुली अस्पतालमा पठाइएको जिल्ला ट्राफिक प्रहरी कार्यालय नुवाकोटले जनाएको छ । बस अनियन्त्रित भई पहाडको भित्तामा ठोकिएर दुर्घटना भएको प्रहरीले जनाएको छ ।
