आज बडादशैको दोस्रो दिन, ब्रह्मचारिणी देवीको पूजा-आराधना गरिँदै
सम्पूर्ण नेपालीहरुको महान् चाड बडादशैको दोस्रो दिन आज पनि दुर्गा भवानीको पूजा आराधाना गरिंदैछ । दशैको पहिलो दिन हिजो दशैंघरमा विधिपूर्वक घटस्थापना गरेपछि यस वर्षको वडादशैं सुरु भएको हो ।
नवरात्र पर्वको दोस्रो दिन आज माता ब्रह्मचारिणीको पूजा-अर्चना गरिन्छ । यो दिन मातालाई शख्खर र पंचामृतको भोग लगाउनाले दीर्घायूको आशीर्वाद प्राप्त हुने जनविश्वाश छ ।
ब्रह्मको अर्थ तपस्या र चारिणीको अर्थ आचरण वाली भन्ने हुन्छ । यस प्रकार ब्रह्मचारिणीको अर्थ तपस्याको आचरण गर्ने भन्ने बुझिन्छ ।
ब्रम्हचारिणीको दाहिने हातमा जप को माला एवं बायाँ हातमा कमण्डल रहन्छ । नित्य पूजा प्रारम्भसँगै स्वाधिष्ठान चक्रमा ध्यान गरेर माता ब्रह्मचारिणीको साधना गर्ने गरिन्छ ।
नवरात्रको अवधिमा वैदिक विधिपूर्वक घटस्थापना गरी नौ रात दश दिनसम्म शक्तिकी अधिष्ठात्री देवी दुर्गाको आह्वान गरी पूजा गर्ने गरिन्छ ।
