भारतीय तस्कर समूहद्वारा कञ्चनपुरमा ड्युटीमा खटिएका सशस्त्र प्रहरीलाई कुटपिट
सुदूरपश्चिम प्रदेश स्थित कञ्चनपुरमा भारतीय तस्करको समूहले ड्युटीमा खटिएका सशस्त्र प्रहरीलाई कुटपिट गरेका छन् ।
गएराती दोधारा चाँदनी नगरपालिका ८ सुन्दरगरस्थित बिओपिमा ड्युटीमा रहेका सशस्त्र प्रहरी जवान सुदिप सुनारले चेकजाँच गर्न खोज्दा तस्करले कुटपिट गरेका हुन् ।
करीब दश जनाको समूहले भारतबाट मोटरसाइकलमा चिनी लगायतका सामग्री तस्करी गरी नेपाल ल्याईरहेको बेला चेक गर्दा उनीहरुले कुटपिट गरेका हुन ।
यसअघि, कैलालीमै तस्करको समूहले गस्तीमा रहेका प्रहरी सहायक निरीक्षक र प्रहरी जवानको हत्या गरेका थिए ।