टीभीएसले अपाचे आरटीआर १६५ आरपी बजारमा ल्याउदै
टीभीएस मोटर्स कम्पनीले अपाचे सिरिजमा नयाँ बाइक टीभीएस अपाचे आरटीआर १६५ आरपी बजारमा ल्याउने भएको छ । अनुमानित रिपोर्ट अनुसार सो बाइक आउँदो हप्ता भारतमा सार्वजनिक गरिने छ ।
आरपीको अर्थ रेस पर्फमेन्स हो । हाल उपलब्ध बाइक अपाचे आरटीआर १६० फोरभीमा केही कस्मेटिक परिवर्तन र स्पोर्टी लुकको साथमा यसलाई प्रस्तुत गरिने छ ।
कम्पनीले केही दिन पहिले अपाचे आरटीआर १६५ आरपी नेमप्लेट नामले ट्रेडमार्क गराएको थियो ।टीभीएस अपाचे आरटीआर १६५ आरपी एर्गोनामिक डिजाइन र लोअर ह्यान्डलबारको साथमा उपलब्ध हुनेछ ।
यसको फुटपेगलाई पनि अगाडि झुकाइएको हुनेछ । सो बाइकमा ड्रम ब्रेक र डिस्क ब्रेक दुबैको विकल्प रहेको छ । साथै एबीएस पनि हुनेछ ।
बाइकमा १५९.७ सीसीको सिंगल सिलिन्डर आयल कुल्ड इन्जिन समावेश गर्नेछ । जसमा फ्युल इन्जेक्सन टेक्नोलोजी जडान गरिएको छ । सो बाइकले १७.६३ बीएचपीको पावर र १४।७३ एनएमको टर्क जेनेरेटर गर्छ ।
टीभीएसी मोटर कम्पनीले रेसिङ स्पोर्टस् बाइक प्रेमीका लागि टीभीएस अपाचे आरआर ३१० बाइक लन्च गरेको थियो । सो बाइकमा शानदार लुक र पावरफुल फिचर समावेश गरिएको छ ।
टीभीएसले पछिल्लो समयमा आरटीएफआई अर्थात रेस ट्युन्ड एफआई प्रविधिका बाइक बजारमा ल्याउने कार्यलाई तीव्रता दिएको छ । अपाचे आरटीआर १६५ आरपी यसैको निरन्तरता हुनेछ ।नेपाल अटो