दाम्लोले बाँधेर स्थानीय युवालाई कुटपिट गर्ने जाजरकोटका वडाध्यक्ष पक्राउ
कर्णाली प्रदेश स्थित जाजरकोटका दाम्लोले बाँधेर युवालाई कुटपिट गर्ने वडाध्यक्ष पक्राउ परेका छन् ।
स्थानीय युवालाई दाम्लाले बाँधेर कुटपिट गर्ने जाजरकोटको जुनिचाँदे गापा-२ का वडाध्यक्ष रामबहादुर नेपाली पक्राउ परेका हुन् । ।
साउन १५ गते स्थानीय सर्पे दमाइ नाम गरेका स्थानीय युवालाई डोरीले बाँधेर कुटपिट गरेका थिए । सोही आरोपमा उनलाई बिहीबार जाजरकोट प्रहरीले पक्राउ गरेको हो ।
इलाका प्रहरी कार्यालय पञ्चालाको टोलीले उनलाई घरबाटै नियन्त्रणमा लिएर सदरमुकाम खलंगा झिकाइएको जिल्ला प्रहरी कार्यालय जाजरकोटले जानकारी दिएको छ ।
‘वडाध्यक्षलाई पक्राउ गरेर ल्याइरहेका छौं, उहाँलाई कानून बमोजिम कारबाही हुन्छ, स्थानीयलाई कुटेको भिडियोका आधार र प्रहरी प्रतिवेदन अनुसार मुद्दा चलाउँछौं’ प्रहरी भने ।
पीडितलाई पनि सदरमुकाम बोलाइएको छ । पीडितले अहिलेसम्म जाहेरी दिएका छैनन्। पीडितको बयान, घटनाको प्रकृति र भिडियोलाई आधार मानेर कानूनी कारबाही हुने प्रहरीले जनाएको छ ।
