आज देशभर थप २२३९ जनामा कोरोना पुष्टि, २० जनाको मृत्यु
आज देशभर थप २२३९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ६ हजार ६५७ पीसीआर परीक्षण गर्दा १ हजार ४७९ जना र ४ हजार ६५६ एन्टिजेन परीक्षण गर्दा ७६० गरी २ हजार २३९ जनामा कोरोना भाइरसको संक्रमण पुष्टि भएको हो ।
त्यस्तै सोही अवधिमा थप १३१६ जना संक्रमणमुक्त भएका छन् । नेपालमा हालसम्म ६ लाख १६ हजार ९२९ जना संक्रमणमुक्त भइसकेका छन् ।
नेपालमा निको हुने दर ९४.५ प्रतिशत रहेको छ । आज शुक्रबार कोरोना भाइरस संक्रमणका कारण थप २० जनाको मृत्यु भएको छ ।
हालसम्म ९ हजार ३४० जनाले ज्यान गुमाइसकेका छन् ।हाल २३ हजार ९२० जना होम आइसोलेसनमा, २ हजार ६ ७० जना संस्थागत आइसोलेसनमा, ५३९ जना आईसीयूमा र १६६ जना भेन्टिलेटरमा रहेका छन् ।
