नेपाललाई १० लाख डाेज खाेप उपाहारमा उपलब्ध गराउने चिनियाँ राष्ट्रपतिकाे घाेषणा
उत्तरी छिमेकी देश चीनले नेपाललाई १० लाख डाेज खाेप उपलब्ध गराउने घाेषणा गरेकाे छ ।
बुधवार राष्ट्रपति विद्यादेवी भण्डारी र उहाँका चिनियाँ समकक्षी सी जिनपिङबीच भएकाे टेलिफाेन वार्तामा चीनले नेपाललाई दश लाख डाेज खाेप अनुदान सहायतामा उपलब्ध गराउने घाेषणा गरेकाे हाे ।
चिनियाँ राष्ट्रपति सी जिनपिङले टेलिफाेन वार्ताका क्रममा नेपाललाई १० लाख डाेज खाेप अनुदान सहायतामा उपलब्ध गराउने घाेषणा गर्नुभएकाे नेपालका लागि चिनियाँ राजदूत हाेउ यान्छीले जानकारी दिएकी छन् ।
सिनोफार्मले उत्पादन गरेको भेरोसेल खोप चीनले उपलब्ध गराउने भएको हो । यसअघि पनि चीनले नेपाललाई आठ लाख डोज खोप उपलब्ध गराइसकेको छ ।
राष्ट्रपति भण्डारीले आज एकै दिन दुई छिमेकी देशका समकक्षीसँग खोप उपलब्ध गराउन आग्रह गरेकी थिईन।
राष्ट्रपति भण्डारीले चिनियाँ राष्ट्रपति जिनपिङसँग झन्डै पौने एक घण्टा टेलिफोनमा कुराकानी गरेकी छन् ।
यस्तै राष्ट्रपति भण्डारीले आज नै भारतीय समकक्षी रामनाथ कोविन्दलाई पनि पत्राचार गर्दै खोप आपूर्तिका लागि विशेष पहल गरिदिन आग्रह गरेकी छन् ।
