Logo
१६ चैत्र २०८०, शुक्रबार
(May 24, 2021)

‘सामाजिक उत्तरदायित्वका लागि पत्रकारिता’

टेलिकमले ल्यायो कोभिड फ्रन्टलाइनर स्वाथ्यकर्मीले १ महिनासम्म निस्शुल्क भ्वाइस कल सेवा

 कोरोना माहामारीमा स्वास्थ्यकर्मीको मनोबल बढाउनका लागि नेपाल टेलिकमले ‘धन्यवाद स्वास्थ्यकर्मी अफर’ ल्याएको छ ।

कोरोना महामारीमा संक्रमणको परवाह नगरी फ्रन्टलाइनमा बसेर विरामीको सेवामा दिनरात खटिने स्वास्थ्यकर्मीको मनोवललाई अझ उचो राख्न र हौसला प्रदान गर्नका लागि टेलिकमलेसो अफर ल्याएको बताएको छ ।

साथै, स्वास्थ्यकर्मीले आफ्नो मोवाइल नम्बरबाट टेलिकमका नेटवर्कभित्र जुनसुकै समयमा गर्ने कल पनि निःशुल्क गरिने छ । टेलिकमका अनुसार सो अफरअन्र्तगत देशभरका स्वास्थ्यकर्मीले प्रयोग गरेका नेपाल टेलिकमका पोष्टपेड र प्रिपेड सिमकार्डमा एक महिनासम्मको निशुल्क भ्वाइस कल उपलव्ध गराइने छ ।

सञ्चार तथा सूचना प्रविधि मन्त्री पार्वत गुरुङले नेपाल टेलिकमका प्रवन्ध निर्देशक डिल्ली अधिकारीसहित पदाधिकारीको बैठक राखेर फ्रन्टलाइनरलाई हौसला हुने खालको कार्यक्रम र सुविधा उपलब्ध गराउन निर्देशन दिएपछि टेलिकमले यो अफर ल्याएको हो ।

सो अफर सम्बन्धी टेलिकमले आइतबार नेपाल चिकित्सक पसिरद्, नेपाल नर्सिङ परिसद्, नेपाल फर्मासिप्ट परिसद्, नेपाल स्वास्थ्य व्यवसायी र नेपाल आयुर्वेदिक परिसद्बीच हस्ताक्षर समेत गरेको छ ।

यो अफर लिनका लागि स्वास्थ्यकर्मीले आफ्नो आधिकारिक प्रमाणपत्र भने टेलिकमलाई उपलव्ध गराउनुपर्नेछ । साथै यो अफर स्वास्थ्यकर्मीको नामका सिमकार्डमा मात्र उपलव्ध हुने भएकाले टेलिकमको सिम नहुनेले नयाँ सिम लिन पनि कम्पनीले सुझाएको छ ।

यसरी नयाँले सिम लिंदा आफ्नो सम्बन्धित परिषद्को लेटरप्याडमा स्वास्थ्यकर्मीको नाम तथा विवरण उल्लेख गर्नुपर्ने छ । नयाँ सिम लिने स्वास्थ्यकर्मीले निःशुल्क सिम प्राप्त गर्ने टेलिकमको भनाइ छ ।

टेलिकमका अनुसार यो अफर निश्चित समयका लागि भएपनि कोरोना माहामारीको अवस्था हेरेर समय थप गर्न सकिने बताइएको छ ।

 

प्रकाशित मिति: May 24, 2021

प्रतिक्रिया दिनुहोस्