Logo
१६ चैत्र २०८०, शुक्रबार
(May 12, 2021)

‘सामाजिक उत्तरदायित्वका लागि पत्रकारिता’

प्रदेश २ सरकारले सरकारसँग ४ हजार थान अक्सिजनको सिलिन्डर माग

सङ्घीय सरकारसँग प्रदेश २ सरकारले चार हजार थान अक्सिजनको सिलिन्डर माग गरेको छ ।

मंगलबार बसेको प्रदेश सङ्कट व्यवस्थापन केन्द्रको बैठकले प्रदेशमा हुन सक्ने अक्सिजनको अभावलाई मध्य नजर गर्दै सङ्घीय सरकारसँग तत्काल चार हजार अक्सिजनको सिलिन्डर माग गर्ने निर्णय गरेको हो ।

मुख्यमन्त्री लालबाबु राउतले आइतबार र सोमबार प्रदेशस्थित सबै अस्पतालका मेडिकल सुपरिटेन्डेन्ट, अस्पताल रहेका पालिकाका प्रमुख एवं प्रमुख जिल्ला अधिकारीसँग कोरोना नियन्त्रणबारे भर्चुअल छलफल गरेका थिए ।

सोही छलफलको आधारमा मंगलबार सम्पन्न समितिको बैठकले सङ्घीय सरकारसँग अक्सिजनको सिलिन्डर माग गर्ने निर्णय गरेको छ ।समितिको बैठकले थप ५० हजार भीटीएम र रिएजेण्ट खरिद गर्ने निर्णय पनि गरेको छ ।बढ्दै गएको कोरोना सङ्क्रमणलाई नियन्त्रण गर्न र परीक्षणको दायरालाई बढाउन भीटीएम र रिएजेण्ट खरिद गर्ने निर्णय गरिएको मुख्यमन्त्री तथा मन्त्रीपरिषद्को कार्यालयले जनाएको छ ।

बैठकले होम आइसोलेसनमा रहेका सङ्क्रमितहरूको हेरचाहका लागि स्थानीय तहहरूसँग समन्वय गर्ने र जिल्ला जनस्वास्थ्यको समन्वयमा प्रत्येक अस्पतालमा हेल्थ डेस्क स्थापना गर्ने निर्णय समेत गरेको छ ।

प्रकाशित मिति: May 12, 2021

प्रतिक्रिया दिनुहोस्