काठमाडौंसहित देशका अधिकांश क्षेत्रमा दुई दिनसम्म वर्षा हुने
पश्चिमी वायु र स्थानीय वायुको प्रभावका कारण काठमाडौं उपत्यकासहित देशका अधिकांश पहाडी क्षेत्रमा आज बर्षा भएको छ ।
पश्चिमी वायु र स्थानीय वायुको प्रभावले नेपालको सबै प्रदेशको पहाडी क्षेत्रमा वर्षा भएको मौसम पूर्वानुमान महाशाखाले जनाएको छ ।
पहाडी क्षेत्रमा हल्का र मध्यम वर्षा हुने सम्भावना देखिएको मौसमविदले जानकारी दिएका छन् ।तराई क्षेत्रमा भने सामान्य मौसम बदली देखिए पनि पानी परेको छैन ।
पहाडी क्षेत्रमा दुई दिनसम्म पानी पर्न सक्छ । तर तराईमा भने मौसम बदली र सामान्य वर्षा भए पनि ठूलो पानी नपर्ने मौसमविदले जानकारी दिएका छन् ।
