युगान्डाकी गायिका वियोन्सले फेरी अर्को नेपाली गीत गाउँदै
बरिष्ठ अभिनेता मदनकृष्ण श्रेष्ठले यूगान्डाकी गायिका दे क्याप्टेन वियोन्स फमासीसँग नयाँ गीत गाउने भएका छन् ।
पछिल्लो सयमा ‘फुलबुट्टे सारी’ गीत गाएर यूगान्डाकी गायिका दे क्याप्टेन वियोन्स फमासी चर्चामा आएकी थिइन् । श्रेष्ठले बिहिबार सामाजिक सञ्जालमा एक पोष्ट गर्दै वियोन्ससँग नयाँ गीत गाउने तयारी गरेको जानकारी दिएका हुन् । ‘हामीले गाएको गीत ‘फुलबुट्टे सारी’ वियोन्सले पनि गाइन् ।
त्यसपछि यो गीतले अन्तर्राष्ट्रिय करणको रुप लिएको महसुस गरिएको छ’ श्रेष्ठले अगाडि लेखेका छन् ‘अब वियोन्स र म मिलेर अर्को एउटा युगल गीत गाउने तरखरमा छौं ।’ श्रेष्ठले वियोन्स तरुनीसँग आफ्नो स्वर मेल खाला कि नखाला भनेर समेत चिन्ता गरेका छन् ।
यो गीतको पहिलो भर्सन गायिका मेलिना नेवारको स्वरमा आएको थियो । जसमा शब्द तथा संगीत राजराज शिवाकोटीको रहेको थियो ।
