भारत-बिहार विधानसभा बैठकमा सांसदमाथि बर्बरतापूर्वक कुटपिट, १२ जना घाइते
छिमेकी देश भारत बिहारको विधानसभाको बैठकमा सांसदहरुबीच चर्को विरोध भएपछि मच्चिँदा सुरक्षाकर्मीले बल प्रयोग गरी कुटपिट गरेका छन् ।
सरकारले ल्याएको नयाँ प्रहरी विधेयकको विरोधमा रहेका विपक्षी दलका सांसदले संसदमा चर्को विरोध गर्न थालेपछि सुरक्षाकर्मी प्रयोग गरी उनीहरुलाई बर्बरतापूर्वक कुटपिट गरिएको विपक्षी नेता तेजस्वी यादवले जनाएका छन् ।
विपक्षी सांसदको नाराबाजी नियन्त्रण गर्न बोलाइएका प्रहरीले सांसदमाथि अन्धाधुन्ध आक्रमण गरेका थिए । एक भिडियोमा प्रहरीले सांसदहरुलाई लात्ती र मुक्का वर्षाएको देखिन्छ । घटनामा दुई महिलासहित १२ सांसद घाइते भएका छन् ।
त्यसक्रममा केही प्रहरी र सञ्चारकर्मी पनि घाइते भएका छन् । नयाँ प्रहरी विधेयकले नागरिक असुरक्षित बन्ने भनी नाराबाजी गर्दै सभामुखको कुर्सीसम्म पुगेका विपक्षी सांसदले विधेयकको प्रति खोसेर च्यातेपछि प्रहरी बोलाएर दमन गरिएको हो ।
सदनभित्र प्रहरीलाई बोलाइएपछि आक्रोशित सांसदहरुले नाराबाजी चर्काउन थालेपछि प्रहरीले लात्ती र मुक्की बर्षाउन थालेको थियो । प्रहरीले केही सांसदलाई त घिसार्दै बाहिर निकालेको थियो । प्रहरीले सासंदको कपाल लुछेको र लात्ताले हानेको फोटो र भिडिओ सामाजिक सञ्जालमा चर्चित बनेका छन् ।
#WATCH Bihar: Women MLAs of the Opposition being carried out of the Assembly building by women security personnel. They (MLAs) were refusing to allow Assembly Speaker Vijay Kumar Sinha to step out of his chamber. pic.twitter.com/Skj0LayFs4
— ANI (@ANI) March 23, 2021