Logo
४ श्रावण २०८२, शनिबार
(March 7, 2021)

‘सामाजिक उत्तरदायित्वका लागि पत्रकारिता’

अब ओलीलाई सरकार टिकाउन १७ सांसद आवश्यक, जसपाले साथ दिने

सर्वोच्च अदालतको फैसलासँगै नेपाल कम्युनिष्‍ट पार्टी (नेकपा) को वैधता समाप्त भएको छ । अब नेकपाको बहुमतको सरकारको स्टाटसमाथि पनि प्रश्न उठेको छ । भने तत्कालिन नेकपा एमाले र नेकपा माओवादी केन्द्र पुर्नस्थापित भएको हो ।

अब सरकारको बहुमत संख्याबारे चर्चा सुरु भएको छ । एमालेमा ओली पक्ष मजबुत छ भने माधव नेपालको पक्ष कम्जोर अवस्थामा रहेको छ । २७५ सदस्यीय प्रतिनिधिसभामा बहुमतका लागि १३८ सांसद चाहिन्छ ।

अहिले कांग्रेसका २ जना र जसपाका १ जना सांसद निलम्बित अवस्थामा छन् । प्रतिनिधिसभामा साबिक एमालेको १२१ सिट छ । उसलाई बहुमतका लागि बढीमा १७ जना सांसद चाहिन्छ ।

अर्थात ओलीको सरकार कायम राख्न केहि सिट मात्र आवश्यक पर्ने हुन्छ । जसमा जनता समाजवादी पार्टीले साथ दिने देखिन्छ । अब जसपाले मात्र साथ दिदा बहुमतको सरकार हुने भएको छ ।

नेकपा कानुनीरूपमा विभाजित नभएसम्म प्रचण्ड-माधव पक्षले दाबी गरेपनि केपी ओली नै बहुमतप्राप्त संसदीय दलको नेता थिए । अब नेकपा एमाले र माओवादी केन्द्र ब्युँतिएसँगै ओली नेतृत्वको सरकार एकल बहुमतको नभई संयुक्त सरकारमा परिणत हुनेछ ।

प्रतिनिधिसभामा अब १२१ सिट सहित एमाले सबैभन्दा ठूलो दलका रुपमा रहनेछ भने ६१ सिट सहित कांग्रेस दोस्रो र ५२ सिट सहित माओवादी केन्द्र तेस्रो दलका रुपमा रहनेछन् ।

जसपा ३४ सिट सहित चौथो दल हुनेछ । प्रचण्ड नेतृत्वको माओवादी केन्द्रले सरकारलाई दिएको समर्थन फिर्ता लियो भने केपी ओली नेतृत्वको सरकार अल्पमतमा पर्नेछ । तर जसपाले मात्र साथ दिदा सरकार बच्नेछ ।

माओवादीले समर्थन नगरेमा ओलीले कांग्रेस वा जसपाको साथ लिनुपर्नेछ । जसपा विभाजनको चर्चा चलिरहेका बेला नेकपाको विवादमा अदालतले गरेको फैसला आफैंमा महत्वपूर्ण छ ।

साना दलमध्ये राप्रपा, राष्ट्रिय जनमोर्चा, नेपाल मजदूर किसान पार्टीका एक एक जना सांसद छन् । स्वतन्त्र सांसद छक्कवहादुर लामा नेकपा एकीकरणपछि पार्टी प्रवेश गरेका थिए ।

 

प्रकाशित मिति: Mar 7, 2021

प्रतिक्रिया दिनुहोस्