Logo
२२ फाल्गुन २०७७, शनिबार
(February 22, 2021)

‘सामाजिक उत्तरदायित्वका लागि पत्रकारिता’

कञ्चनपुरको दैजी-छेला औद्योगिक क्षेत्रको प्रधानमन्त्रीद्वारा शिलान्यास

कञ्चनपुरको दैजी-छेला औद्योगिक क्षेत्रको प्रधानमन्त्री केपी शर्मा ओलीले शिलान्यास गरेका छन्।

ओलीले सोमबार दिउँसो वेदकोट नगरपालिका २ र ३ मा स्थापना गर्न लागिएको औद्योगिक क्षेत्रको शिलान्यास गरेका हुन्।ओली हेलिकप्टरमार्फत् कञ्चनपुर पुगेका थिए । २५ वर्षअघिदेखि चर्चामा रहेको दैजी छेला औद्योगिक क्षेत्र बनाउन सरकारले ९ अर्ब रुपैयाँ बजेट छुट्याएको छ।

प्रधानमन्त्रीले शिलान्यास गरेपछि औद्योगिक क्षेत्र निर्माणको काम सम्पन्न हुने स्थानिय बासिन्दामा विश्वास बढेको वेदकोट नगरपालिकाका मेयर अशोक चन्दले बताए।

उक्त क्षेत्र पूर्व पश्चिम महेन्द्र राजमार्गबाट ६ किलोमिटरको दूरीमा छ भने दैजी-जोगबुढा राजमार्गसँग जोडिएको पनि छ।

२०५२ सालमा तत्कालीन प्रधानमन्त्री मनमोहन अधिकारीकै पालामा यहाँ औद्योगिक क्षेत्र बनाउने घोषणा भएको थियो। त्यसबेला बजेट विनियोजन गरिए पनि निकुञ्जको क्षेत्र पर्ने भए भन्दै काम सुरू भएको थिएन।

यहाँ औद्योगिक क्षेत्र तयार पारिए वन, कृषि, धातु तथा प्लाष्टिक, इन्जिनियरिङ र फेव्रिकेटिङ, खाद्य, मिनरल वाटर, कागज, सिमेन्ट, छड लगायतका १ सय बढी उद्योग स्थापना हुने बताइएको छ।

प्रकाशित मिति: Feb 22, 2021

प्रतिक्रिया दिनुहोस्