संसद् विघटनविरुद्ध कांग्रेसद्वारा थप आन्दोलनको घोषणा, ३० गते देशभर प्रदर्शन
संसद विघटनविरुद्ध नेपाली कांग्रेसले थप आन्दोलनको कार्यक्रम घोषणा गरेको छ ।
नेपाली कांग्रेसको आज मंगलबार बसेको केन्द्रीय कार्यसमितिको बैठकले माघ १९ गत भ्रातृ संस्था, २४ गते शुभेच्छुक र ३० गते सबै जिल्लामा प्रदर्शन गर्ने निर्णय गरेको हो ।
दिउँसो १ बजेका लागि बोलाइएको बैठक ४ बजेबाट सुरु भएको छ ।३० गते काठमाडौँका तीन जिल्लाको कार्यक्रम भने एकीकृत रुपमा हुने एक केन्द्रीय सदस्यले जानकारी दिए ।
संसद् विघटनको विरोधमा काग्रेस निरन्तर संघर्षरत रहेको छ । यसअघि काँग्रेसले पुस १३ गते प्रतिनिधि निर्वाचन क्षेत्र, पुस २५ मा प्रदेश निर्वाचन क्षेत्र, माघ ३ गते पालिका स्तरी र माघ ८ गते वडा स्तरीय विरोध प्रदर्शन गरेको थियो ।