नेपालमा कोरोनाविरूद्ध खोप अभियान बुधबारदेखि सुरु हुने
नेपालमा कोरोनाविरुद्धको खोप लगाउने अभियान यहि माघ १४ गते बुधवार सुरु गरिने स्वास्थ्य मन्त्रालयले जानकारी दिएको छ ।
स्वास्थ्य तथा जनसंख्या मन्त्री हृदेश त्रिपाठीले आज मख्यमन्त्रीहरुसँग भएको छलफलमा आउँदो बधवार १४ गते १० बजे खोप अभियान सुरु हुने जानकारी दिएका छन् ।
त्रिपाठीका अनुसार प्रधानमन्त्री केपी शर्मा ओलीले अभियानको उद्घाटन गर्नेछन् । भारतले अनुदानमा दिएको कोरोना विरुद्धको खोप आइतबार सातै प्रदेशमा पठाइसकेको छ ।
सुरूमा कोरोनाविरूद्ध लडाइँमा खटिएका स्वास्थ्यकर्मीलाई खोप दिने सरकारको तयारी छ। भारत सरकारले १० लाख डोज खोप अनुदानमा दिएको थियो।
अक्सफोर्ड विश्वविद्यालय र अष्ट्रेजेन्काले विकास गरेको खोपलाई भारतको सेरम इन्स्टिच्युटले उत्पादन गरिरहेको छ।
