हिंसात्मक संघर्षमा उत्रिन युवा-विद्यार्थीलाई प्रचण्डको निर्देशन
बिभाजित नेपाल कम्युनिस्ट पार्टीका अध्यक्ष पुष्पकमल दाहाल प्रचण्डले पार्टी निकट युवाविद्यार्थीलाई आक्रामक बन्न निर्देशन दिएका छन् ।
प्रज्ञा भवनमा आयोजित अखिल नेपाल स्वतन्त्र विद्यार्थी युनीयनको उपत्यकास्तरीय भेलालाई उनले सम्बोधन गर्दै संसद विघटनविरुद्धको आन्दोलनमा आक्रामक बन्न निर्देशन दिएका हुन् ।
‘सिंह जस्तै गर्जेर प्रतिक्रान्तिकारी हल्लिनुपर्छ,’ प्रचण्डले भने, ‘किन किन के चिलाएको हो रु टाउको चिलाएको छ, लाठी खान मन छ योपटक ।’ उनले विगतमा गिरिजाप्रसाद कोइरालाले पनि आन्दोलनका क्रममा लाठी खाएको स्मरण गर्दै आफू पनि तयार भएको बताए ।
उनले युवाविद्यार्थीलाई अझै कडा रुपमा प्रस्तुत हुन भने । आन्दोलन साकाहारीले मात्र नपुग्ने बताए । उनले अबको आन्दोलन हिंसात्मक हुनसक्ने संकेत गरे ।
माघ ९ गते उपत्यकामा नेकपाको प्रचण्ड माधव समूहले शक्ति प्रदर्शन गर्न लाग्दा पनि प्रचण्डको आक्रामक अभिव्यक्ति आएको छ । यसले अबको आन्दोलन हिंसात्मक हुने संकेत समेत गरेको छ ।
प्रधानमन्त्री केपी शर्मा ओलीलाई लम्पसारवादी भन्दै विदेशीको अगाडि लम्पसार परेको आरोप लगाए । उनले भने,‘ उहाँ लम्पसारवादी हुनुहुन्छ ।’