Logo
११ माघ २०७७, आईतबार
(January 10, 2021)

‘सामाजिक उत्तरदायित्वका लागि पत्रकारिता’

टाटा मोटर्सले सार्वजनिक गर्यो नयाँ कम्प्याक्ट ट्रक ‘इन्ट्रा भि २०’

टाटा मोटर्सले नयाँ कम्प्याक्ट ट्रक ‘इन्ट्रा भि २०’ सार्वजनिक गरेको छ ।

टाटा मोटर्सले नेपालका लागि आधिकारिक बिक्रेता सिप्रदी ट्रेडिङ प्रालिले नयाँ कम्प्याक्ट ट्रक इन्ट्रा ‘भी२० ‘सार्वजनिक गरेको हो ।

टाटा इन्ट्राको सुरुवाती मूल्य १९ लाख ७५ हजार रुपैयाँ कायम गरिएको छ। यो कम्प्याक्ट ट्रकलाई नेपालभरका सिप्रदीका सेल्स, सर्भिस र स्पेयर पार्टस्को बृहत्तर सञ्जालले पूर्ण साथ, सहयोग गर्नेछन्।

यसमा अतिसाँघुरो गल्लीमा पनि सजिलै मोड्न मिल्ने ४.७५ मिटरको ‘टर्निङ रेडियस’ छ। यसमा भएको केवलसिफ्ट मेकानिज्म र ५-स्पीड गेयर बक्सले सहज एवं भन्झटमुक्त यात्रा सुनिश्चित गर्ने टाटाको दाबी छ।

टाटा इन्ट्रामा अधिकतम ग्राउण्ड क्लियरेन्स र ४५ प्रतिशतको गे्रडेबिलिटि हुनाले नेपालको विद्यमान अवस्थाका सडकहरुको लागि उपयुक्त गाडी हुनेछ।

टाटा इन्ट्रा भि२० मा १.४ लिटर क्षमताको डिजल इन्जिन रहेको छ, जसले ७० बिएचपी र १४० एनएमको टर्क पैदा गर्छ। उच्चतम इन्धन बचत गर्न सहयोग पुर्‍याउन गीयर सिफ्ट एडभाइजर छ।

यसको भरपर्दो एंव विश्वसनीय इन्जिन, गियर बक्स, क्राउनर च्यासिसको सम्योजनले समस्टिमा न्यून मर्मत खर्च गराउँछ र योजस्तै गाडीहरुको श्रेणीमा यसलाई उत्कृष्ट रोजाइको गाडी बनाउँछ।

ठूलो लोड बडी, ११ सय केजीको अधिकतम भार बहन क्षमता, सर्वोत्कृष्ट माइलेज र मजबुत इन्जिन, गियर बक्स, क्राउन र च्यासिस भएको यो कम्प्याक्ट ट्रक, न्यून सञ्चालन खर्चमा सवारी धनीलाई अधिकतम मुनाफा हुनेगरी निर्माण गरिएको कम्पनीको भनाइ छ।

टाटा मोटर्सको प्रिमियम टफ डिजाइन सिद्धान्तमा बनेको यो ट्रकले सुरक्षित र आरामदायी यात्रा अनुभव गराउने कम्पनीको भनाइ छ।

यसको आधुनिक डिजाइनका साथ बनेको क्याबिनभित्र ओहोर दोहोर गर्न सजिलो हुने थप ठाउँ रहेको छ। सुविधा सम्पन्न आरामदायी सिटहरु र आधुनिक डिजिटल क्लस्टर पनि रहेको छ।

यसकासाथै ड्यासबोर्डमा माउन्ट भएको गियर लिभरले लामो समयको यात्रामा पनि सजिलो एंव थकानमुक्त महसुस गराउने कम्पनीको छ।अटो खबर

 

 

 

 

 

प्रकाशित मिति: Jan 10, 2021

प्रतिक्रिया दिनुहोस्