नेकपाका प्रचण्ड-नेपाल समुहले बोलाए आज संसदीय दलको बैठक
नेकपाको प्रचण्ड-नेपाल पक्षले आज संसदीय दलको बैठक डाकेको छ ।
संसद भवन नयाँ बानेश्वरमा आज दिउँसो १ बजे बस्ने संसदीय दलको बैठकले दलको नेतामा पार्टी अध्यक्ष पुष्पकमल दाहाल प्रचण्डलाई चयन गर्ने तयारी गरेको छ ।
हिजो केन्द्रिय कमिटिको बैठकमार्फत केपी ओलीलाई हटाएर उनको ठाउँमा माधव कुमार नेपाललाई पार्टी अध्यक्ष बनाएको प्रचण्ड-नेपाल पक्षले आज संसदिय दलको बैठक डाकेको हो ।
यसअघि संसदमा प्रधानमन्त्री केपी शर्मा ओलीको विरुद्धमा अविश्वासको प्रस्ताव दर्ता गर्दा पनि प्रचण्डलाई भावी प्रधानमन्त्रीको रुपमा उल्लेख गरिएको थियो ।
प्रचण्ड-नेपाल पक्षीय सांसदहरुको सोमबार पनि बैठक बसेको थियो । उक्त बैठकमा ९० जना सांसदको उपस्थिति रहेको बताईएपनि ती मध्ये केही सांसदहरु मंगलबारको ओली समुहको बैठकमा पनि सहभागि भएका थिए ।
गएको आइतबार संसद् विघटन भएपछि बर्तमान अवस्थामा नेकपा विघटन भएको छ । ओली र प्रचण्डपक्ष भई नेकपा विघटन भएछि उनिहरुले छुटाछुटै बैठक गरेका छन् ।
हिजो मंगलबार नेकपाका प्रचण्डपक्षका सांसदले पनि संसद विघटन असंवैधानिक भन्दै रिट दर्ता गराएका छन् ।
प्रतिनिधिसभामा नेकपाका प्रमुख सचेतक रहेका देव गुरुङ, सांसदहरु कृष्णभक्त पोख्रेल, शशी श्रेष्ठ र रामकुमारी झाँक्रीले रिट दर्ता गराएका हुन् ।
रिटमा प्रधानमन्त्री केपी ओली, राष्ट्रपति विद्यादेवी भण्डारी र सभामुख अग्निप्रसाद सापकोटालाई विपक्षी बनाइएको छ ।
