Logo
१५ चैत्र २०८०, बिहीबार
(December 15, 2020)

‘सामाजिक उत्तरदायित्वका लागि पत्रकारिता’

सामसुङले सुरु गर्‍यो स्मार्टफोन भाडामा उपलब्ध गराउने कार्यक्रम

सामसुङले प्रयोगकर्ताहरुलाई स्मार्टफोन भाडामा उपलब्ध गराउने कार्यक्रम सुरु गरेको छ ।

युरोपेली मुलुक जर्मनीले सामसुङले स्मार्टफोन भाडामा दिने कार्यक्रमको घोषणा गरेको हो । दक्षिण कोरियाली स्मार्टफोन कम्पनी सामसुङले प्रयोगकर्ताहरुलाई स्मार्टफोन भाडामा उपलब्ध गराउने कार्यक्रम सुरु गरेको हो ।

त्यहाँको ग्रोभर कम्पनीसँगको सहकार्यमा सामसुङले उक्त कार्यक्रम सुरु गरेको बताइएको छ ।सो कार्यक्रम अन्तर्गत प्रयोगकर्ताले १, ३, ६ तथा १२ महिनाका लागि सामसुङ डिभाइस भाडामा लिन पाउनेछन् ।

रिपोर्ट अनुसार रेन्टल सर्भिसको उक्त सुविधा प्राप्त गर्न चाहने प्रयोगकर्ताहरुले सामसुङको अफिसियल स्टोरबाट ग्यालेक्सी एस २० मोडेल छनोट गर्न सक्नेछन् ।

त्यसपछि ग्राहकलाई ग्रोभर कम्पनीमा पठाइन्छ र उल्लेखित फोन तोकिएको अवधिका लागि भाडामा लिने कुराको निर्णय लिन सक्दछन् ।

अनि ग्रोभरले नै ग्राहकलाई मोबाइल फोन भाडामा उपलब्ध गराउनेछ ।उक्त स्किम अन्तर्गत ग्यालेक्सी एस २० को मासिक भाडादर अधिकतम ९९.९० तथा न्यूनतम ४९.९० युरो रहेको छ भने ग्यालेक्सी एस २० प्लसको भाडादर मासिक अधिकतम १०९.७४ र न्यूनतमक ५४.९० युरो रहेको छ ।

त्यस्तै १२८ गिगाबाइटको ग्यालेक्सी एस२० E फोन भाडामा लिनका लागि कूल भाडा अवधि हेरी मासिक ५९.९०/४९.९०/३९.९० र २९.९० युरो तिर्नुपर्नेछ ।

कूल भाडा अवधि जति धेरै भयो मासिक शुल्क पनि कम पर्नेछ ।त्यस्तै ग्यालेक्सी एस २० अल्ट्रा स्मार्टफोन भने एक महिनाको लागि भाडामा लिन ११९.९० युरो रकम तिर्नुपर्नेछ ।

त्यस्तै ३, ६ र १२ महिनाका लागि भाडामा लिन क्रमशः ९९.९०, ७९.९० तथा ६९.९० युरो रकम तिर्नुपर्नेछ।हालका लागि सामसुङले स्मार्टफोन भाडामा दिने सेवा जर्मनीमा मात्र लागू गरेको छ ।

विश्वका अन्य बजारमा उक्त सेवा कहिलेदेखि सुरु हुने भन्ने चाहिँ खुलाएको छैन । एजेन्सी

प्रकाशित मिति: Dec 15, 2020

प्रतिक्रिया दिनुहोस्