आज देशभर १ हजार २५५ कोरोना संक्रमित थपिए, २५ जनाको मृत्यु
नेपालमा आज थप १ हजार २५५ जना कोरोना पुष्टि भएको छ ।
योसँगै नेपालमा कुल संक्रमितको संख्या २ लाख ३१ हजार ९ ७८ पुगेको स्वास्थ्य मन्त्रालयले जनाएको छ । स्वास्थ्य तथा जनसंख्या मन्त्रालयका अनुसार आज देशभर १ हजार ४ सय ४ जना कोरोनामुक्त भएका छन्।
योसँगै कोरोनामुक्त हुनेको संख्या २ लाख १२ हजार ५९० पुगेको छ। आज देशभर १७ हजार ९०९ जना सक्रिय संक्रमित रहेको मन्त्रालयले जनाएको छ।
आज देशभर २५ जना कोरोना संक्रमितको मृत्यु भएको छ। नेपालमा अहिलेसम्म १ हजार ४७९ जना संक्रमितको मृत्यु भइसकेको छ।
आज ८ हजार ८ जनाको पिसिआर परीक्षण भएको मन्त्रालयले जनाएको छ।