बुटवल-तानसेन सडक आजदेखि पाँच दिनसम्म दैनिक ४ घण्टा बन्द
लुम्बिनी प्रदेश अन्तरगत रहेको सिद्धार्थ राजमार्गको तानसेन-बुटवल सडकखण्ड आज देखि पाँच दिनसम्म दैनिक ४ घण्टा सवारी आवागमन बन्द गरिएको छ ।
सडक डिभिजनका अनुसार बिहान १०ः३० बजेदेखि १२ः३० बजेसम्म र दिउँसो २ बजेदेखि ४ बजेसम्म राजमार्गमा सवारी आवागमन बन्द हुने भएको छ ।
राजमार्गको झुम्सा-दोभान खण्डमा कालोपत्रे गर्नका लागि दिनमा दुई पटक गरी दैनिक ४ घण्टा सवारी आवागमन बन्द गरिएको सडक डिभिजन कार्यालय पाल्पाले जनाएको छ ।
