देशभर आज १९४५ नयाँ कोरोना संक्रमित थपिए, २२ जनाको मृत्यु
नेपालमा २४ घण्टा भित्रमा १९४५ जना कोरोना संक्रमित थपिएका छन् ।
योसँगै नेपालमा कोरोना संक्रमितको संख्या २ लाख १६ हजार ९६५ पुगेको स्वास्थ्य मन्त्रालयले जानकारी दिएको छ।
स्वास्थ्य तथा जनसंख्या मन्त्रालयका अनुसार २४ घण्टामा ५३६४ जना कोरोनामुक्त भएका छन् । योसँगै हालसम्म कोरोनामुक्त हुनेको संख्या १ लाख ९१ हजार २ पुगेको छ।
आज देशभर कोरोना संक्रमणबाट थप २२ जनाको मृत्यु भएको छ। यससँगै देशभर कोरोना संक्रमणबाट मृत्यु हुनेको कुल संख्या १२९८ पुगेको छ।