भरतपुर अस्पतालमा उपचाररत कोरोना संक्रमित वृद्धको मृत्युु
बाग्मती प्रदेश स्थित चितवनको भरतपुर अस्पतालमा उपचाररत हेटौंडाका एक कोरोना संक्रमितको मृत्युु भएको छ ।
मृत्यु हुने ८२ वर्षीय वृद्ध मकवानपुरको हेटौंडा उपमहानगरपालिका-६ का रहेको अस्पतालका सूचना अधिकारीले जानकारी दिए ।
कात्तिक १५ गते कोरोना संक्रमण पुष्टि भएका उनी ज्वरो, खोकी र श्वासप्रश्वासमा समस्या भएपछि बुधबार अस्पताल भर्ना भएका थिए ।
स्वास्थ्य अवस्था थप जटिल हुँदै गएपछि कोभिड आइसियूमा राखी उपचार गर्दागर्दै उनको आज विहीबार बिहान मृत्यु भएको अस्पतालले जनाएको छ ।
