भरतपुर अस्पतालमा उपचाररत ३३ वर्षीया गर्भवती महिलाको कोरोनाबाट मृत्यु
बाग्मती प्रदेश स्थित चितवनको भरतपुर अस्पतालमा उपचाररत गर्भवती कोरोना संक्रमितको मृत्यु भएको छ ।
तनहुँको शुक्लागण्डकी नगरपालिका घर भई हाल मकवानपुरको हेटौंडा-५ बस्ने ३३ वर्षीया महिलाको बिहीवार बिहान उपचारको क्रममा मृत्युु भएको हो ।
उनको अवस्था जटिल भएपछि बुधबार भेन्टिलेटरमा राखेर उपचार गरिएको थियो । उनी ३७ हप्ताको गर्भवती भएको अस्पतालका सूचना अधिकारीले बताएका छन् ।
गत असोज ३० गते कोरोना संक्रमण पुष्टि भएकी ती महिलामा खोकी, श्वासप्रश्वासमा समस्या थियो ।
अस्पतालका स्वास्थ्यकर्मीले अथक प्रयास गर्दागर्दै पनि बचाउन नसकेकोमा भरतपुर अस्पतालले दुःख ब्यक्त गरेको छ ।
