आफ्ना सबै सांसदहरूको दशैं भत्ताबापत प्राप्त रकम फिर्ता गर्ने नेकपाको निर्णय
सत्तारुढ दल नेपाल कम्युनिष्ट पार्टी (नेकपा)ले पनि आफ्ना सांसदहरूलाई दशैं भत्ताबापत प्राप्त रकम फिर्ता गर्ने निर्णय गरेको छ ।
राष्ट्रिय सभाका नेकपा संसदीय दलका प्रमुख सचेतक खिमलाल भट्टराईले सबै सांसदको दशैं भत्ता कोभिड उपचार कोषमा जम्मा गर्ने निर्णय भएको जानकारी दिए ।
सांसदहरूले दशैं भत्ता बुझेकोबारे शुक्रवार समाचार प्रकाशित भएपछि केही सांसदले व्यक्तिगत रूपमा भत्ता फिर्ताको घोषणा गरिसकेका छन् ।
अहिले आएर पार्टीले संस्थागत रूपमै भत्ता फिर्ता गर्ने निर्णय गरेको हो ।