बाँकेमा उपचाररत बर्दियाका ४२ वर्षीय कोरोना संक्रमित पुरुषको मृत्यु
लुम्बिनी प्रदेश स्थित बाँकेको भेरी अस्पताल नेपालगञ्जमा बर्दियाको ठाकुरबाबा-६ का ४२ वर्षीय कोरोना संक्रमित पुरुषको उपचारको क्रममा आज बिहान मृत्यु भएको छ ।
उनलाई गत असोज १४ गते कोहलपुर कलेजमा उपचारका लागि ल्याइएकामा १६ गते कोरोना पुष्टि भएको थियो ।
जिल्ला स्वास्थ्य कार्यालयका कोरोना फोकल पर्सन नरेश श्रेष्ठका अनुसार यससँगै कोरोना संक्रमण भएर बाहिरी जिल्ललाबाट बाँकेमा उपचार गराउन आउँदा मृत्यु हुनेको सङ्ख्या १४ पुगेको श्रेष्ठले बताए ।
उनको स्वास्थ्य अवस्था बिग्रदै गएपछि गत असोज २७ गते भेरी अस्पतालमा पठाइएको थियो ।
