नेकपाका वरिष्ठ नेता झलनाथ खनाल बिरामी भएपछि अस्पताल भर्ना
नेकपाका वरिष्ठ नेता तथा पूर्वप्रधानमन्त्री झलनाथ खनाल अस्पताल भर्ना भएका छन् ।
रक्तचाप बढेपछि हिजो बुधबार दिउँसो उनी हेम्स अस्पतालमा भर्ना भएका हुन् । खनालका प्रेस संयोजक कृष्ण भट्टराईका अनुसार अहिले स्वास्थ्य अवस्था सामान्य हुँदै गएको चिकित्सकहरुले बताएका छन् ।
तर उनलाई आज साँझसम्म अस्पतालमै रहन चिकित्सकहरुले सुझाव दिएका छन् । अस्पताल भर्ना हुनुअघि खनालको कोरोनाको पीसीआर परीक्षण गरिएको थियो र रिपोर्ट नेगेटिभ आएको छ ।