नेपाललाई थप १७ अर्ब ६४ करोड ऋण दिदैँ विश्व बैंक
विश्व बैंकले थप १५ करोड डलर अर्थात् १७ अर्ब ६४ करोड रुपैयाँ बराबरको सहुलियत ऋण स्वीकृत गरेको छ ।
मंगलबार नेपालको सहरी सेवा प्रवाह सुधार तथा पूर्वाधार विकाससम्बन्धी १ सय ५० मिलियन डलर ऋण स्वीकृत गरिएको विश्व बैंकद्धारा जारी विज्ञप्तिमा उल्लेख गरिएको छ ।
संघीयता कार्यान्वयन प्रभावकारी बनाउने उद्देश्यसहित यो ऋण स्वीकृत गरिएकाे विश्व बैंकले जनाएको छ । स्वीकृत परियोजनाले कोभिड-१९ बाट प्रभावित भएको अर्थतन्त्रलाई उठाउन सहयोग पुग्ने उल्लेख गरिएको छ ।
विश्व बैंकका अनुसार यो सहायता पूर्वी तराई र पश्चिमका दुई प्रदेशमा केन्द्रित हुनेछ । पूर्वी तराईका प्रदेश १ र २ का नगरपालिका तथा पश्चिममा गण्डकी प्रदेश र प्रदेश ५ का नगरपालिकाहरूका परियोजना केन्द्रित हुने विज्ञप्तिमा उल्लेख गरिएको छ ।
