लागुऔषध काण्डमा मुछिएका बलिउड अभिनेत्रीहरुसित‘NCB’को सोधपुछ
बलिउड बजारमा सुशान्त सिंह रावपुतको मृत्यु भएको पनि लामोसमय भइससक्यो तर बजारमा उक्त घटना अझै सेलाउन सकेको छैन ।
उनको मृत्यु एक आत्महत्या नभएको भनि उनका समथकले भन्दै आएको र त्यही अनुसार यो घटनालाई विभिन्न कोणबाट अनुसन्धान गर्नेक्रम अझ जारी छ ।
उनको आत्महत्या प्रकणलाई अनुसन्धान गर्ने क्रममा लागुऔषधसँग जोडिएको छ । यसैक्रममा अहिले बलिउडका थुपै कलाकारको नाम जोडिएको र साधपुछ चलिरहेको छ ।
अनुसन्धानकाक्रममा हिजो शनिबार अभिनेत्रीहरुसित सोधपुछ गरिएको छ ।शनिबार अभिनेत्रीहरु दीपिका पादुकोण, सारा अली खान र श्रद्धा कपुरसँग त्यहाँको मादकपदार्थ नियन्त्रण ब्यूरोले सोधपुछ गरेको हो ।
यसअघि, शुक्रबार अर्की अभिनेत्री रकुलप्रीत सिंहसहितसित सोधपुछ गरिएको थियो । गत महिना सुशान्तका लागि लागुपदार्थ किनेको आरोपमा उनकी प्रेमिका रिया पक्राउ परेकी थिइन् ।
तर, उनले आरोप अस्वीकार गर्दै आएकी छन् । सुशान्तकी प्रेमिका रिया चक्रवर्तीलाई लागुऔषध मामलामा पक्राउ गरिएपछि बलिउडमा एकाएक नयाँ सनसनी बाहिर आउँदै गएको हो ।
गत जुनमा मुम्बईको फ्ल्याटमा ३४ वर्षीय सुशान्त मृत अवस्थामा फेलापरेका थिए । प्रहरीले त्यसबेला उनले आत्महत्या गरेको बताएको थियो ।
तर, परिवारले रियाविरुद्ध आत्महत्या र अन्य अपराधमा संलग्न रहेको आरोप लगाउँदै उजुरी दर्ता गरेपछि घटनाले नयाँ मोड लिँदै गएको छ ।
घटनाका सम्बन्धमा तीनओटा संघीय निकायहरुले अनुसन्धान गरिरहेका छन् । एजेन्सी
