रत्ननगर नगरपालिकाका मेयर नारायण वनलाई कोरोना संक्रमण
बाग्मती प्रदेश स्थित चितवनको रत्ननगर नगरपालिकाका मेयर नारायण वनलाई कोरोना सङ्क्रमण पुष्टि भएको छ ।
भदौ २८ गते नमुना संकलन गरि भरतपुर १९ कोभिड प्रयोगशालामा पठाइएकोमा बिहीबार राति मात्र उनको कोरोना सङ्क्रमण पुष्टि भएको हो ।
काठमाडौं गएर फर्किएपछि असजिलो महसुस भई स्वाद हराएपछि आफूले कोरोना परीक्षण गरेको वनले बताए ।
स्वाब संकलनपछि उनी घरकै छुट्टै कोठामा बसेको र अहिले कुनै समस्या नआएको बताए । हालसम्म स्वास्थ्यमा त्यस्तो जटिल समस्या नआएकाले घरकै आइसोलेसनमा बसिरहेको उनको भनाइ छ ।
