कोरोनाका कारण सीटीईभीटीको परिक्षा स्थगित
कोरोनाका कारण भदौ दोस्रो साता लिने भनिएको प्राविधिक शिक्षा तथा व्यावसायिक तालिम परिषद् (सिटीईभीटी)को परिक्षा स्थगित गरेको छ ।
सरकारले विद्यार्थी भर्ना र परीक्षा सञ्चालन १६ भदौबाट मात्रै गर्न पाइने निर्णय गरेपछि परीक्षा स्थगित गरेको सीटीईभीटीका प्रवक्ता अनोज भट्टराईले जानकारी दिए ।
१ भदौबाट परीक्षा सञ्चालन गर्न पाइने सरकारको निर्णय अनुसार सीटीईभीटीले नोवेल कोरोना भाइरस (कोभिड-१९) का कारण स्थगित परीक्षाको तालिका प्रकाशित गरेको थियो ।
परीक्षाको अर्को तालिका कोभिड-१९ को संक्रमण कम भएपछि तीन हप्ताको समयावधि राखेर प्रकाशन गरिने प्रवक्ता भट्टराईले बताए ।
