मेडिसिटी अस्पतालमा उपचाररत ६४ वर्षीय पुरुषको कोरोनाबाट मृत्यु
पछिल्लो समयमा कोरोना संक्रमणबाट मृत्यु हुनेको संख्या बढीरहेको अवस्थामा थप एक जना ६४ वर्षीय कोरोना संक्रमित पुरुषको मृत्यु भएको छ ।
ललितपुरस्थित मेडिसिटी अस्पतालमा उपचाररत कलंकीका ६४ वर्षीय कोरोना संक्रमित पुरुषको मृत्यु भएको हो ।
आज सोमबार बिहान उपचारको क्रममा उनको मृत्यु भएको ललितपुर जिल्ला जनस्वास्थ्य प्रमुख डा। खगेश्वर गेलालले जानकारी दिए ।
उनका अनुसार मधुमेहको रोगसँगै निमोनियाँको समस्या देखिएपछि साउन १५ गते अस्पताल भर्ना भएका थिए । ती पुरुषमा गत साउन १९ गते नमुना संकलन गरे साउन २२ गते कोरोना पुष्टि भएको थियो ।
