बलिउड सुपरस्टार अमिताभ बच्चन कोरोनामुक्त
बलिउड सुपरस्टार अमिताभ बच्चन कोरोना संक्रमणमुक्त भएका छन् । उनी संक्रमणमुक्त भई डिस्चार्ज भएका छन् ।
अमिताभले ट्वीट गर्दै आफू संक्रमणमुक्त भएको जानकारी गराएका छन् । उनले अस्पतालमा रहँदा स्वास्थ्यलाभको कामना गर्ने शुभचिन्तकहरुलाई धन्यवाद ज्ञापन गरेका छन् ।
मुम्बईस्थित नानावती अस्पतालमा अमिताभको उपचार भएको थियो ।अमिताभका छोरा अभिषेक बच्चन भने कोरोना मुक्त भएका छैनन् ।
उनी अस्पतालमै उपचाररत छन् । बुहारी ऐश्वर्या राय बच्चन र नातिनी आराध्या बच्चन भने कोरोनामुक्त भई घर फर्किइसकेका छन् ।
