जान्नुहोस् ! सौन्दर्य बढाउनका लागि बेसनको फाइदाहरु
हरेका मानिसलाई राम्रो देखिने रहर हुन्छ तर विशेष गरि महिलादिदिबहीनिलाई अझ बढी सोन्दर्यमा चासो हुने गर्दछ । हरेक मौसम, अवसर तथा उमेरमा आफुलाई सुन्दर देखियोस् भन्ने चाहना हरेक महिलामा हुन्छ ।
पछिल्लो समयमा महिलाहरु समेत घर भित्र र बाहिर व्यस्त हुन थालेपछि आफूलाई सुन्दर बनाउनका लागि समय निकाल्न समेत गाह्रो भैरहेको छ ।
यस्तो बेला तपाईं ब्युटी पार्लर गएर राम्री बन्न समेत भ्याउनु हुन्न । त्यसैले घरमै थोरै समय निकालेर आफूलाई सुन्दर बनाउने प्रयास गर्नु उपयुक्त हुनेछ । त्यसका लागि तपाईंले घरमै उपलब्ध बेसनको प्रयोग गर्न सक्नु हुन्छ ।
आज हामी तपाइर्ला बेसनको प्रयोगबाट कसरी राम्रो देखिन्छ भनेर हामी छोटो चर्चा गर्ने छौं । कम समयमा तथा कम मेहनतबटै तपाईं सुन्दर बन्न चाहनु हुन्छ भने त्यसका लागि बेसनको प्रयोग सबैभन्दा सजिलो माध्यम हो ।
बजारमा सहजै उपलब्ध हुने तथा प्राय हामी सबैको घरमै उपलब्ध हुने बेसनले तपाईंको सुन्दरतालाई निखार्न सहयोग पुर्याउँछ ।
बेसनको प्रयोगले तपाईंको छाला प्राकृतिक रुपमै सुन्दर देखिन्छ । छालालाई सफा बनाउनमा बेसनले ठूलो भूमिका खेल्छ । बेसनले छालालाई चम्किलो बनाउँछ ।
तैलिए छाला हुन्छ प्राकृतिक
यदि तपाईंको अनुहारमा हरेक समय तेल निस्किरहने समस्या छ भने बेसनको प्रयोग उपयुक्त हुन्छ । बेसनको प्रयोगले तैलिय छालालाई फाइदा पुग्छ । बेसनले तपाईंको छालाबाट अतिरिक्त तेललाई हटाएर छालालाई नरम बनाउने काम गर्छ ।
यसका लागि बेसनमा गुलाव जलको केहि थोपा मिसाएर अनुहारमा लगाउनुहोस् । अनुहारमा लगाएको बेसन सुकेपछि मन तातो पानीले पखाल्नुहोस् । यसो गर्दा बिस्तारै तपाईंको छालामा उत्पन्न हुने तेल कम हुँदै जान्छ ।
सुख्खा छालालाई मोश्चराइज गर्छ
बेसनले तपाईंको छालामा मोश्चराइजरका काम गर्छ । यदि तपाईंको छाला सुख्खा छ भने बेसनमा अलिकति दूध तथा दूधको तर ९छालि० मिसाएर त्यसमा मह र थारै बेसार पनि मिसाएर पेस्ट बनाउनुहोस् ।
उक्त पेस्टलाई आफ्नो अनुहारमा लगाउनुहोस् र १५ मिनेटपछि सफा पानीले अनुहार सफा गर्नुहोस् । यसो गर्दा तपाईंको छाला चम्किलो बनाउनुको साथ/साथै मोश्चराइजिङ समेत हुन्छ । यसो गर्दा तपाइको अनुहारको सुन्दरता तथा आकर्षण बढ्छ ।
डढेको छाला हटाउन
गर्मीमा छालाको समस्या भनेको नै घामको किरणले छाला कालो बनाउनु हो । यो समस्याबाट छुट्कारा पाउनका लागि बेसनमा कागतीको रस, बेसार र गुलाव जल मिसाएर पेस्ट बनाउने ।
त्यो पेस्टलाई अनुहारमा लगाउने र सुकेपछि पानीले धुने । यसो गर्दा तपाईको कालो भएको छाला सफा हुनुको साथै चम्किलो र नरम पनि हुन्छ ।
यसरी घरमा उपलब्ध बेसनले तपाई आफ्नो छाला सुन्दर र आकर्षक बनाउन सक्नु हुन्छ ।
अनुहारको दाग कम हुन्छ
यदि तपाईंको अनुहार दागले गर्दा अनाकार्षक बनाइदिएको छ भने बेसनले तपाईंको अनुहारको दागलाई कम गर्न सहयोग गर्छ । अनुहारको दाग हटाउनका लागि बेसनमा मह मिसाएर अनुहारमा लगाउनुहोस् । केही समयपछि पानीले पखाल्नुहोस् ।
तपाईंको अनुहारको दाग कम हुन्छ । तर यो प्याकलाई तपाईले हप्ताको ३/४ पटक लगाउनुपर्छ । बेसनमा एन्टिीमाइक्रोब समावेश भएको हुँदा त्यसले अनुहारको दाग, स(साना कोठि आउन कम गर्छ । बेसनको प्रयोगले छाला ताजा देखिन्छ ।
