चीनको गुइझाउमा बस जलाशयमा डुब्दा २१ जनाको मृत्यु, १५ जना घाइते
छिमेकी देश चीनको गुइझाउ प्रान्तमा बस जलाशयमा डुब्दा २१ जनाको मृत्यु भएको छ भने १५ जना घाइते भएका छन् ।
मंगलबार गुइझाउ प्रान्तको अंसुन भन्ने ठाउँमा पुल तर्दै गर्दा सडकको अवरोधका कारण बस पुलबाट तल जलाशयमा खसेको थियो ।
त्यहाँको स्थानीय पत्रिकाले जनाएअनुसार गाओकाओ विश्वविद्यालयमा प्रवेश परीक्षा दिन गइरहेका विद्यार्थीहरु दुर्घटनामा परेका हुन् ।
गुइझाउ आगो नियन्त्रण विभागले १९ जना गोताखोरसहित १४१ जना अग्नि नियन्त्रकहरु डुबेकाहरुको खोजी र उद्धार कार्यमा निरन्तर लागिरहेको जनाएको छ ।
यस्तै प्रहरी र अरु उद्धार टोलीले पनि उद्धार कार्यमा सघाइरहेको विभागले जनाएको छ ।बसमा जम्मा कति जना थिए र तीमध्ये कति विद्यार्थी थिए भन्ने बारे अझै स्पष्ट भएको छैन ।
दुर्घटना कसरी भयो भन्नेबारे अहिले अनुसन्धान भइरहेको छ ।
