सुनको भाउले अहिलेसम्मकै नयाँ रेकर्ड तोड्यो
सुनको भाउ तोलाको ९१ हजार ७ सय भएर अहिलेसम्मकै नयाँ रेकर्ड कायम गरेको छ ।
आज सुनको भाउ नेपाली सुनचाँदी बजारमा तोलाको ९१ हजार ७ सय रुपैयाँ तोकिएको छ । यो अहिलेसम्मकै उच्च मूल्य हो ।
यसअघि आइतबार र सोमबार सुनको भाउ तोलाको ९१ हजार तीन सय रुपैयाँ रहेकोमा हिजो एक सय रुपैयाँ घटेको थियो ।
चाँदीको भाउ पनि आज तोलामा १५ रुपैयाँ बढेर ९ सय ६० रुपैयाँ पुगेको नेपाल सुनचाँदी व्यवसायी महासंघले जनाएको छ ।
कोरोना महामारीको कारण अन्तर्राष्ट्रिय बजारमा सुनको भाउ अस्थिर रहेको छ । विवाहको सिजनमा पनि गरगहना बिक्री नभएको र कारोबार नहुँदा सुनचाँदी बजार सुनसान जस्तै भएको व्यवसायीको भनाइ छ ।
