Logo
१६ चैत्र २०८०, शुक्रबार
(May 24, 2020)

‘सामाजिक उत्तरदायित्वका लागि पत्रकारिता’

कोरोनाका कारण गोसाइँकुण्डमा गङ्गादशहरा मेला प्रभावित

कोभिड-१९ का कारण तीर्थस्थल गोसाइँकुण्डमा लाग्ने गंगा दशहरा पर्वको मेला प्रभावित भएको छ ।

दशहरा पर्वअन्तर्गत प्रत्येक वर्ष १० दिन लाग्ने धार्मिक मेला यस वर्ष शनिबारदेखि शुरू भए तापनि बन्दाबन्दीे यातायात बन्द हुँद पूर्ण रूपमा प्रभावित भएको गोसाइँकुण्ड क्षेत्र व्यवस्थापन समितिले जनाएको छ ।

गङ्गा नदी पृथ्वीमा अवतरण भएको दिन गङ्गा दशहरामा यही जेठ १९ गते गोसाइँकुण्ड मन्दिरमा एक पुजारी पठाई विशेष पूजा गर्ने तयारी भइरहेको समितिका अध्यक्ष सञ्जीव डिएमले बताए ।

बन्दाबन्दीले गोसाइँकुण्डको धार्मिक मार्गमा रहेका होटल तथा लजसमेत बन्द भइसकेको बताइएको छ । वेगवान् गङ्गालाई पृथ्वीमा ल्याउने क्रममा महादेवले जटामा राखेर थामिदिएको पुराणमा वर्णित छ ।

सत्ययुगमा समुद्र मन्थन गर्दा संसार दग्ध गराउने कालकूट विष पिएर उत्पन्न डाह शान्त पार्न महादेव निलाद्री पर्वत पुगेर कुण्डको उत्पत्ति गराई विराजमान भएकाले वर्षेनी भक्तजन स्नान र पूजाआजाका लागि गोसाइँकुण्ड जाने परम्परा रहिआएको छ ।

गोसाइँकुण्डमा वर्षको दुई पटक गंगादशहरामा दश दिन र जनैपूर्णिमामा पाँच दिन विशेष मेला लाग्छ । समुद्री सतहदेखि १४ हजार १०० फिटको उचाइमा अवस्थित गोसाइँकुण्डमा भक्तजन पुग्न नसके पनि समितिका तर्फबाट विशेष पूजा गरेर धार्मिक विधि पूरा गरिने अध्यक्ष डिएमले जानकारी दिए ।

प्रकाशित मिति: May 24, 2020

प्रतिक्रिया दिनुहोस्