धनकुटाको तमोर नदीमा सेल्फी खिच्ने क्रममा नदीले बगाएर भारतीय भिनित कुमार बेपत्ता
प्रदेश नं १ स्थित धनकुटा नगरपालिका–९ मुलघाटमा शनिबार दिउँसो तमोर नदीमा सेल्फी खिच्ने क्रममा नदीले बगाएर १ युवक बेपत्ता भएका छन् ।
भारतको बिहार राज्यको पूर्णिया घर भइ विराटनगरमा रहेको नोबेल मेडिकल कलेजमा एमबीबीएस अध्ययनरत भारतीय नागरिक भिनित कुमार नदी किनारमा सेल्फी खिच्ने क्रममा चिप्लिएर नदीमा बेपत्ता भएको उनको उमेर खुल्न नसकेको जिल्ला प्रहरी कार्यालय धनकुटाका एसपी सुर्दशन प्रसाद कोइरालाले बताए ।
आफूसँगै अध्ययनरत साथीहरुसँग घुम्नको लागि मुलघाट आएका कुमारलाई सेल्फी खिच्ने क्रममा दिउँसो साढे बाह्र बजे नदीले बगाएको थियो ।
नदीले बगाएर बेपत्ता भएका कुमारको स्थानीयवासी, नेपाल प्रहरी र सशस्त्र प्रहरीको टोलीले खोजी कार्य गरीरहेको एसपी कोइरालाले बताए ।
