तोलामा ८० हजार नागेको सुनको भाउ घट्यो
नेपाली बजारमा बुधबार सुनको भाउ तोलामा पाँच सय रुपैयाँले घटेको छ । सुन तोलाको ७९ हजार ५ सय रुपैयाँमा झरेको नेपाल सुनचाँदी व्यवसायी महासङ्घले जनाएको छ ।
गएको सोमबार एकैदिन तोलामा १५ सय रुपैयाँ बढेर तोलाको अहिलेसम्मकै महँगो अर्थात् तोलाको ८० हजार ३ सय रुपैयाँ पुगेको सुनको भाउ मङ्गलबार र बुधबार भने बजारमा सुनको भाउ घटेको हो ।
सुन मङ्गलबार तोलामा ३ सय रुपैयाँ र बुधबार तोलामा ५ सय रुपैयाँले घटेको हो ।
