कारोनाको संक्रमण रोक्न चीनले १० दिनमै बनाएको अस्पताल आजबाट सञ्चालनमा आउँने
चीनले १० दिनमै बनाएको अस्पताल आजबाट सञ्चालनमा आउँने भएको छ ।कारोना भाइरसको संक्रमण न्यूनीकरणका लागि चीनले १० दिनमा अस्पताल तयार गरेको हो। यो सँगै अस्पताल आजबाट सञ्चालनमा आउने भएको छ ।
सो अस्पताल १ हजार शैय्याको बनाइएको छ । अस्पाल कोरोना भाइरसको इपिसेन्टर वुहानमा निर्माण गरिएको हो । अस्पतालको सम्पूर्ण निर्माण कार्य पूरा भएको छ ।
संक्रमितको उपचारमा अनुभव हासिल गरिसकेका १४०० सैनिक मेडिकल स्टाफ नयाँ अस्पतालमा आइपुगेका छन् । यिनैले नयाँ अस्पतालसँगै अन्य क्षेत्रका बिरामीको उपचार गर्नेछन् ।
त्यस्तै, कोरोना भाइरस संक्रमितको उपचारका लागि दोस्रो अस्पताल पनि द्रुत गतिमा निर्माण भइरहेको छ । दोस्रो अर्को अस्पतालको निर्माण बुधबारसम्ममा सम्पन्न भइसक्ने बीबीसीले जनाएको छ ।
चीनले चामत्कारिक रूपमा अस्पताल निर्माण गरेको हो । डिसेम्बर अन्तिम साताबाट कोरोना भाइरसको संक्रमण फैलिएपछि चीनसहित विश्वका विभिन्न देशका लागि टाउको दुखाइको विषय भनेको छ ।
चीनमा मात्रै यो भाइरसका कारण ३ सय ६१ जनाको ज्यान गएको छ भने १७ हजार मानिस संक्रमित छन् ।चीनबाहेकका अन्य २२ देशमा पनि कोरोना भाइरसको संक्रमण भेटिएको छ ।
