लागू पदार्थ बनाउने रसायन न्युजील्याण्डतर्फ लैजान लागेका चिनियाँ नागरिक चाओ काठमाडौंबाट पक्राउ
नेपालबाट लागू पदार्थ बनाउने रसायन न्युजील्याण्डतर्फ लैजान लागेका चिनियाँ नागरिक काठमाडौंबाट पक्राउ परेका छन् । ४ किलो २ सय ग्राम इफेड्रिनसहित चिनियाँ नागरिक झाङ चाओलाई पक्राउ परेका हुन् ।
नेपाल प्रहरीको लागूऔषध नियन्त्रण ब्यूरोको टोलीले काठमाडौं महानगरपालिका १६ बाट उनलाय पक्राउ गरेको हो ।चीनको सिचुवानका चाओ १५ नोभेम्बरमा पहिलो पटक काठमाडौं आएका थिए । उनले आफैले प्याकेजिङ गरेर न्युजील्याण्ड पठाउन खोजेको प्रहरीसमक्ष बताएका छन् ।
चिनिया नागरिकबाट बरामद इफेड्रिनको चीनमा नेपाली मूल्य २ लाख २५ हजार रुपैयाँ र न्युजील्याण्ड पठाउँदा ५० लाख रुपैयाँ बराबरको हुन आउने प्रहरी अनुसन्धानबाट खुलेको छ ।
